Pozez ta bildurrez
Bilintx
1
Dama gazte polit bat
dago Donostiyan
berdiñik ez dubena
zeruben azpiyan.
Biyotza mugitzen zait
modu txit eztiyan
nere pensamentura
datorren guztiyan.
2
Graziyazko aingeru
adoragarriya,
Jaunaren ondotikan
egan etorriya,
zerubak egindako
milagro berriya,
gloriyaz be dezan
Donostiko orriya.
3
¿Arpegiya zeñek du
arrek bezin fiña?
¿Eta zeñek gorputza
ain ongi egiña?
Ibilleran ere da
guztizko ariña;
Euskerak ez du itzik
famatzeko diña.
4
Naiz plazara juan bedi
naiz juan iturrira
¿Nork ez du arreta jartzen
arren ibillira?
Bat bañan geyagore
gelditutzen dira
ezkutatzen dan arte
berari begira.
5
Bere jatorriz duben
patxara fiñian
biria pasatzen du
pauso ariñian
lurrik ez du zanpatzen
txoriyak añian;
txutik joango litzake
uraren gañian.
6
Orrenbeste graziya
dituben meriyo
arentzako gordia
zenbat amoriyo
biyotzian dakatan
¿nork kontatu diyo?
¡kalian ikusita
esan dit ariyo!
7
Berriz ikusitzeko
egingo det modu
juango dira baño len
ogeita lau ordu.
Ariyo esaten badit
laister entzungo du:
-Nere arratseroko
ametsa, ¿zer modu?
8
-Ongi nai ta ezin izan-
esango dit anbat;
ni erantzungo diyot:
-Noski besterenbat
izango da sufritzen
dubena zuk ainbat.
¿Zein da bada, esazu,
zu naizinduzken bat?
9
Burlaz esaten dozu:
-Nork naiko nau ni? nork?
aberatsa ez danik
ez du maite iñork.
Baña ni ordubantxen
erantzungo diyot.
-¡Zoragarriya! ¿naizu
maita gaiten biyok?
10
Bayetz esaten baldin
badit erdi farrez,
erotu egingo naiz
pozaren indarrez.
Ezetz enzuten badet
nere suerte txarrez,
itz orrek utziko nau
betiko negarrez!
|