Pobriaren suertia

Bilintx

 Beste alibiyorik

 Pobriak ez daka:

 negarrez jaio eta

 bizi arrastaka;

 galtzarbian, kolkuan,

 nun-nai arraskaka,

 erropetan koipia

 zikiña ta kaka.

 Jendiak ikustian

 artutzen du nazka,

 danak pasatzen zaizka

 ondotik presaka;

 nai baldin badu ibilli

 kalian jiraka,

 ateratu orduko

 etxetikan anka

 mutill txikiyak ditu

 atzetik millaka,

 azenariyo eta

 patata tiraka;

 zakurrak ere asten

 zayozka zaunkaka

 alboriyak tiratzen

 diyote pullanka,

 dariak, kristau ta abere,

 guziyak txandaka

 gizarajua dute

 ibiltzen burlaka.

 ¡Batek obe luke izan

 pobre bañon kaka!