akatsak / iradokizunak inprimatu
Juramentua
Izenburua:
Juramentua
Sinadura:
Bizkarrondo Ureņa, Indalezio (Bilintx, Vilinch)
Urkizaren iruzkina:
Egilea(k):
Bizkarrondo, Indalezio

Argitalpena:
Bertsolaria.
Urtea:
1931
Argitalpenaren urtea:
1
Alea:
3.zk.
Orrialdea:
20

 

 

 

 

faksimilea ikusteko


Juramentua

 

Bilintx

 

 1

 

 Begi urdiņak dituzu eta

 arpegiya zuri gorriya,

 nere biyotzak maite zaituben

 aingeru zoragarriya;

 zumia bezin biguņa eta

 mia da zure gerriya,

 estutu bage artu liteke

 bi eskubakin neurriya.

 

 2

 

 Lengo batian, izar berriya,

 ongi fortuna nerian,

 maite ninduzun galdetu eta

 bayetz eranzun zeniran;

 pozakin iya zoraturikan

 aditu eta segiran,

 beso eskuya estutu nuben

 zure gerriyaren jiran.

 

 3

 

 Neri begira gelditu ziņan

 buruba triste etzanaz,

 ni ere zuri begira negon

 Maite neria! esanaz;

 luzaro ala egondu giņan

 suspiriyuak emanaz,

 biyok-alkarren begiyetatik

 amoriyua eranaz.

 

 4

 

 Ongi penakin askaturikan

 zure gerritik besua

 ez zait astuko nola esan ninzun:

 "Nere maitetxo gozua,

 "zorionaren ekartzallia,

 "izar amoriosua,

 "zu adoratzen igaroko det

 "nere bizitza osua.

 

 5

 

 "Maite nazula len esan dezu;

 "berriz esan zazu, arren!

 "ez naiz entzutez gogo-beteko

 "milla bider esan arren;

 "nun da zerubak erabakiya

 "beste moduz ez dakarren,

 "denbora gutxi barra gu biyok

 "izango gera elkarren".

 

 6

 

 Imajiņa bat zillarrezkua,

 kordoi batekin lotuba,

 begiz aurrian jarri zeniran

 kolkotik ateratuba

 zeņetan zegon gurutzeturik

 Jaunaren Seme Santuba.

 "Onen aurrian-esan zeniren-

 egizu juramentua".

 

 7

 

 Faltsiyarikan ez zeguela

 nere biotz samurrian,

 proga emango nizun eguna

 arkitzen zala urrian,

 begiratua imajiņan ta,

 belaun eskuya lurrian,

 juramentua eskeņi nizun

 Jaungoikuaren aurrian.

 

 8

 

 Fintasunakin kunplituko det,

 ez da zer egon zalantzez,

 denborarikan igaro gabe

 gogo txarreko balantzez.

 Erakusitzen baldin badizut

 faltsiyarikan mudantzez,

 nere biyotza bete dezala

 damutasunak arantzez.

 


akatsak / iradokizunak inprimatu