Gaztetan dama
Bilintx
1
Argitasun aundiko
Perla garistiya,
Nere osasuna ta
Nere eguzkiya,
Baita ere zu zera,
Maitetxo eztiya,
Mundu ontako nere
Desio guztiya.
2
Eziñ fiñago dala
Da txit seguruba,
Zuganako dakatan
Naitasun puruba;
Beti dauzkat zugatik,
Nere aingeruba,
Sentitzen biyotza ta
Pensatzen buruba.
3
Ixilik gorde arren,
Asko dira penak
Nere biyotz gaxuan
Zugatik daudenak;
Biazuna bañore
Minkatzago denak,
Bañan zuk nai ezkero
Gora litezkenak.
4
Dauzkatan pena oyek
Ixilik gordeta,
Uts biyurtuko dira
Zuk naizazu eta;
Bertatik jarriko naiz
Kontentuz beteta,
Neria izatera
Konforma zaite ta.
5
Ez naiz mutill ederra,
¡Au lana, au lana
Ez naiz aberatsare,
¡Maitetxo laztana!
Bañan biyotz bat badet
Oberik ez dana,
Betia zuganako
Amoriyoz dana.
6
Auxen eskeintzen dizut
Gustizko suabe,
¡Arren, egin nazazu
Zuriaren jabe!
Bestela penaz ill ta
Laster naiz lurra be,
Bada ni ezin bizi
Niteke zu gabe.
|