Izarrak

Bidaguren, A.

 Arratza doan bezela gura neuke joan

 irribar gorrixkak ene begi eta agoan.

 Negu otzera orduko, elaien antzera,

 gura neuke betiko loen lur epelera

 Antxe gura neuke egon beti bertanbera

 asetuz neure bizi guztiko amets lera,

 kantu zaarrak bezela aizeen lepoan,

 illargia bezela goiznabarraren kolkoan.

 Udazkenaren mosu orixken eraginez

 erreka ertzeko lertxun-orri zimela lez,

 neuk ere edur aldirako gura neuke joan.

 Ain makal ni, kikil-minik ezingo eroan

 t'Eriok-zergaitik gaizto?- otzikara ordez,

 datorrenean bete beist agoa izarrez