[Bertsotan]
Pernando - Zabala
Pernando:
Errentarik ez bada
ofizio ontan,
ezin mantendu geizke
erregalotan;
konbiatuagatik
noizen bein ardotan,
karga labore gutxi
libratu errotan;
asko zeinek daukan,
ari nazak ontan,
urre gutxi poltsan;
sartzen bertsoetan,
saiatu beharko degu
beste lanetan.
Zabala:
Manifestoan lago
errenta gurea,
kantuz ez dala sartzen
poltsan urrea;
ezta libratu ere
karga laborea,
asko dadukatenak
beretzat obea;
tokante noblea,
ni gizon pobrea,
gutxi det sobrea,
etxean gordea,
deanarekin pasatzen
nazu ordea.
Pernando:
Erretiroa ona
nai badu egindu,
parranderoarekin
ez arren bildu;
zartzaroan oi gera
geienak umildu,,
ai nagusi on batek
artuko banindu!
karga bat arindu,
sabela berdindu,
soņean apaindu,
lanik ez agindu,
konponduko giņuzkek
ori bagendu.
Zabala:
Bizitzea nai badet
batere arrazoiz,
gauean oiratzea
komeni zait goiz;
jeki berriz neronek
pentsatuko det noiz,
alimentu piņa
bear zenbait sasoiz,
jan otorduak maiz,
tragotxoak inoiz,
egarritzen banaiz,
gorputzak ez du gaitz,
nolabait onelaxen
konponduko naiz.
Pernando:
Itzen bat omen dago
puntuan artua,
kantu truke ez dala
karga artua;
egin oi duanean
prezio altua,
geienean utsikan
da gure zakua;
nere trabajua,
ezin pagatua,
nago proatua,
nork du sobratua?
au nere miseria
bururatua.
Zabala:
Pernando zuzen zuzen
jartzen dizut plana,
eta zuk sinistatu
nere emana;
talentu au daukagu
Jainkoak emana,
ni nazu burduntzali
zu zera zartana;
kanturako lana,
biok erdibana,
bestek eman jana,
poltsan bear dana,
ondo bizi litekek
bera nor dana.
|