Euskarak, Korrika-ra, bizirik dirau

Beloki, Xabier

 Euskaldunontzat zerbait badago

 Urrutitik datorrena,

 Serio oso bere indarra

 Korrika hor dakarrena;

 Abertzalentzat bera izango

 Da seguru hoberena,

 Izena EUSKARA dauka eta

 Nahi du izan gogorrena.

 Ez duzue egin ekintza txarra

 Usai goxo ekarriz,

 Sentimendu hori bultza nahi dugu

 Korrikan arituz berriz;

 Atzera eta aurrera zeldan

 Rau! EUSKARA goian jarriz,

 Askatasuna eman nahiean

 Zerutaraino igorriz.

 Neke gabeko borrokan gaude

 Aspaldian murgilduta,

 Hain neketsua izanagatik

 Izango da garaituta;

 Denona dugu EUSKARA eta

 Uzteko ez zen jaiota,

 Gure ezaugarri oinarrizkona

 Utzi dezagun piztuta.

 Eskerrikasko ekartzeatik

 Testigua kartzelara,

 Altxako dugu dudarik gabe

 Kartzelan ere EUSKARA;

 Izurik gabe gure bihotzak

 Taupadak bere aldera,

 Testigu hori emango dugu

 Oso gustora aurrera.

 Zutabe ederra jarria dugu

 Enborrez goitik behera,

 Ukatu dunak gure hizkuntza

 Razt! ta bota komunera;

 EUSKARAk ditun etsaiak ongi

 Aditu bezate zera:

 Damutu eziña EUSKARA-n ere

 Atxilotuen jarrera.

 Ixkiñetatik sakoneraino

 Galazi dute hizkuntza,

 Oso seguru emana dute

 Errematatzek hitza;

 Zuk eta denok egingo dugu

 Aurreratu eta mintza,

 Zuloan dena igo ezazu

 Ukatu gabe laguntza.

 Zintzo ta extu, bizkor ta bixi

 Ixildu gabe egunero,

 Nagikeriak lagundutzeko

 Tutik ez daduka gero!

 Zazpi lurralde, zazpi bertsotan

 sorik bildurik bero,

 ementsu biziko da EUSKARA

 Iraultza egin ezkero.