Nire hauzategiko arrats euritsu bat
Bego
Gomazko zapatak
euri tantak praketan:
Putzuak
putzuetako dizdirak,
putzuetako ur tanta bat
mundua ur tantan.
Tanta argitsua
ardiak;
argi zuri
argi gorri.
Gomazko tantak
praketan.
Gizaki kaoilatuaren
begirada okerra;
begien artetik
oholazko mangoa
aterkina
kaletarren koroa
Tantak zapatetan
euria gomazko praketan.
Paradisurako bidea
hilobiaren karrika
kalea landa bihurtua
une bateko amets zoroa
porlanaren hoztasuna
Ileei darien
hezetasun epela,
burdinen zarata
oihu eta frenoen
sinfonia.
Prakazko gomak
zapata tantak eurian.
|