Kaputxinoa
Begi-Beltx
Begiak beiti, biotza goyan,
santutxo baten antzera,
munduan barna ortxe dijoa,
denak Jesusganatzera,
gurutzeari lotuik dagola
ematen digu aitzera...
Ara oiņ utsa, bere biziya,
bere jantzi ta janera...
Jangoikoari eskeņi dio
bere biotza osoro,
Jaungoikoa du bere ametsa,
Jainkoai beirezka dago:
lagunen alde lan egiteko
gogua dauka biziro,
ta pakerik ez gizon guztiak
Jainkoa maitaazteko...
Uso txuriyak zabaltzen ditu
egan juateko egoak,
usategian bai ditu beti
bere ametsak usoak.
Egakan doaz erritik erri,
zabaldurikan besoak,
kristau biotzak jede bisian
piztutzen Kaputxinoak.
Gure artean btzi da, baņan
zeruan dauka gogoa,
zeruan dago jainkoangana
egatu naiez usoa:
Jesus onaren sayetsean da
beretzat arkaitz zuloa,
egin dezake kupide gabe
bereartan kabitxoa.
Paketzalea zoaz, zoaz zu,
pakea zabaldutzera;
biotzak ixil, iya itoak
pakea eske daude ta:
Jangoikoaren borondatea
beti da zure bandera,
Jainko on orren biotz gozoa
itzuli gure aldera.
Bedeikatua izan zaitela,
bedeikatua beti, zu;
gure animak pakea eta
laguntza zure eskutik du:
otoi! gugatik Jaunain aurrian,
otoi! ta gutaz ez aztu:
Jangoikoaren ordezkaria,
gure biotza arindu.
Art-izarra da zure bizia
gure itsaso onetan,
zu ikustean fedea beti
ernatzen da biotzetan:
izan zaitez ba gure gidari
gure anima-gauzetan,
bai eta lagun ta anai on ona
geren estutasunetan.
Gora! sendo bat oyu dezagun
gora ta gora! beroa,
paketzalerik gure artean
ez ori bekelakoa:
gora dezagun biotz barrendik
gora dezagun Jainkoa,
izar gaņean gora dezagun
berakin Kaputxinoa.
Gau eta egun otoitz egizu,
nere Aita on laztana,
biotza larri ta atsekabetan
zu zera nere laguna:
gozotasuna zabaldu beti
gure Jainkoak emana,
otoi! gugatik, ixuri, Aita,
zeru-pakea gugana.