Ai amatxo!

Begi-Beltx

 ¡Ai nere biotzeko

 Amatxo kutuna!

 Zure arpegiaren

 ¡Au edertasuna!

 ¡Orren gozo zeran!

 ¡Orren zoriduna!

 ¡Oi begiratze xalo

 Beti daukazuna!

 Zure bi begitxoak

 Dirade argiak:

 Zure mazal koxkorrak

 Arrosa gorriak:

 Zure ezpañak dirade

 Dirdiratzaliak,

 Eta-agoko-ortzak

 Urrez estaliak,

 Burutik soñetara

 Poliki jarria

 Edatuxe daukazu

 Buruko illia:

 Ziñez: ez da illia,

 Baizikan urria.

 Bada ille bakoitzatik

 Darizu argia.

 ¡Nere biotzekoa!

 ¡Nere kutuntxoa!

 ¡Zenbat maite zaitudan

 Amatxo gozoa!

 Neretzat izan bedi,

 Ama, zure altzoa

 Usoentzat bezala

 Beren kabitxoa.